Гризман откри каде сака да ја заврши кариерата – таму каде што никој не го познава!

Напаѓачот на Атлетико Мадрид за реномираниот „ЕСПН“ откри каде би сакал да ја заврши својата кариера.

Гризман минатото лето беше блиску до трансфер во Барселона, но на крајот сепак Атлетико успеа да го убеди и Французинот потпиша нов договор со „јорганџиите“.

Сепак, тој кариерата сака да ја заврши на друго место – во МЛС лигата.

„Сакам да играм во МЛС. Навистина би сакал да ја завршам кариерата таму. Луѓето во Америка имаат навистина поинакво гледиште од останатите. Ја сакам НБА и шоуто кое владее таму, ми се допаѓа и НФЛ. Ја сакам цела земја, најмногу поради тоа што никој не ме препознава кога сум таму“, изјави освојувачот на Мундијалот со Франција.

Гризман има 27 години, а неговиот договор со Атлетико го врзува до 2023 година, па веројатно дури тогаш би можеле да очекуваме да го видиме на терените во САД.

https://www.youtube.com/watch?v=xu9jqGiFnxw