ВИДЕО: Видовте ли каков пенал и досуди Мажиќ на Франција против Германија?

Српскиот судија Милорад Мажиќ во натпреварот помеѓу Франција и Германија ја направи една од своите најголеми грешки во кариерата.

Мажиќ важи за еден од најдобрите судии во светот, но јасно е дека вчера погреши кога на десетина минути пред крајот покажа на белата точка.

Блес Матуиди падна во казнетиот простор после дуелот со Матс Хумелс, а Мажиќ веднаш покажа на белата точка.

Повторената снимка покажа дека Хумелс не го ни допре Матуиди. Францускиот играч за врска го нагази Германецот и падна, а Мажиќ досуди пенал кој во гол го претвори Антоан Гризман.