Камавинга го истакна помалку нагласениот квалитет на Мбапе: Луѓето не го гледаат така

Камавинга е сигурен дека навивачите на Реал ќе добијат многу повеќе од Килијан Мбапе отколку што очекуваат.

Францускиот напаѓач се пресели од ПСЖ во Мадрид и дополнително го засили тимот за кој многумина се подготвени да кажат дека изгледа непобедливо.

Камавинга добро знае што може да направи Мбапе. Тие со години играат заедно за француската репрезентација, а сега ќе бидат и соиграчи во клубот.

Мбапе потпиша петгодишен договор со Реал како слободен играч по сезона во која постигна 44 гола и асистираше на 10 гола на 48 одиграни натпревари.

Од Пари Сен Жермен си замина со нереален учинок од 256 гола и 108 асистенции на 308 натпревари. Токму неговите асистенции ги издвои Камавинга како потценет дел од играта на Мбапе.

„Тој е квалитетен додавач, а луѓето не го гледаат така. Не сум сигурен што мисли тренерот Карло Анчелоти, но убеден сум дека ќе донесе добра одлука за најсилниот тим. Ќе видиме следната сезона “, рече Камавинга и додаде:

„Сакам да асистирам и ќе бидам среќен ако ми кажат да асистирам за Килијан. Имам 21 година и имам многу да учам. Мојот фудбалски раст не е завршен. Морам да работам на мојата концентрација и мојата десна нога“.