17 поени на Димитријевиќ во победата на Хувентуд против Уникс Казан

Tимот на Хувентуд за кој игра македонскиот кошаркар Ненад Димитријевиќ обезбеди нов триумф во групната фаза од Еврокупот.

Димитријевиќ беше одличен во победата на Хувентуд и со 17 поени беше втор стрелец во својата екипа.

Хувентуд славеше после продолженија на гости со Уникс Казан со резултат 93:91. Во регуларниот дел домаќините успеаа да дојдат до изедначување во последните секунди и така си обезбедија дополнителни пет минути.

Македонскиот кошаркар на паркетот помина 35 минути, а освен 17 поени подели две асистенции и запиша два скока.