Јувентус сè уште не знае за пораз: Мота поцрвене во дуелот против Болоња (Видео)

Јувентус продолжува со серијата без пораз во италијанската Серија А, завршувајќи нерешено на домашен терен против Болоња (2-2) во рамките на 15. коло. И покрај силниот отпор на гостите, „Старата дама“ успеа да извлече бод во драматична завршница.

Болоња рано поведе со два гола, благодарение на мајсторските погодоци на Побега и Ндоје. Тренерот на Јувентус, Тијаго Мота не ја заврши средбата на клупата, бидејќи доби директен црвен картон.

Јувентус го намали резултатот на 1-2 во 62. минута, кога Копмајнерс прецизно шутираше и ја врати надежта кај домаќините. Мечот кулминираше во судиското продолжение, кога Мбангула го израмни резултатот и обезбеди бод за Јувентус, кој и понатаму останува непоразен оваа сезона.

Со овој резултат, тимот на Јувентус е на шестата позиција на табелата со 27 бодови, додека Болоња, со 22 поени, моментално го зазема осмото место.