Јужна Кореја остана без селектор по поразот од Бразил

Пауло Бенто во иднина нема да биде селектор на Јужна Кореја. Со вчерашниот пораз од 4:1 заврши неговиот мандат на клупата на оваа репрезентација.

Бенто на клупата на Јужна Кореја е веќе четири години откако дојде во 2018 година. За Корејците секако е добар резултат осминафиналето на Мундијалот каде што беа запрени од Бразил.

Оставката не е поврзана со резултатот затоа што Бенто уште пред почетокот на Светското првенство најави дека заминува од клупата. За Бенто ова беше втор селекторски предизвик откако претходно ја водеше Португалија од 2010 до 2014 година.

Во клупската кариера ги водеше Крузеиро, Олимпијакос и Чонгинг.