Јубилеј кој е ДОКАЗ за моќта на Јунајтед – „Ѓаволите“ негуваат нешто невозможно!

Манчестер Јунајтед е еден од најголемите клубови во светот, но вакво нешто е тешко достижно…

Фудбалскиот клуб Манчестер Јунајтед токму денес слави неверојатен јубилеј кој скоро сигурно дека нема да го повтори ниту еден друг клуб во историјата на оваа игра.

Клубот од Манчестер на својот официјален сајт се пофали со чудесен податок, а тоа е дека од 30 октомври 1937 година до денес на секој натпревар настапил барем еден фудбалер од академијата на Јунајтед.

Во победата над Тотенхем во саботата во составот на Јунајтед беа Маркус Рашфорд и Џеси Лингард, а последен пат кога на натпревар на Јунајтед не настапил ниту еден фудбалер од нивната академија беше пред точно 80 години кога „црвените ѓаволи“ играа против Шефилд Јунајтед на домашен терен.

Од тој денес до денес Јунајтед изгради своја традиција, силната на академијата на овој клуб стана и негов зашитетен знак. Доволно е да се потсетиме на одличната генерација на „Бебињата на Базби“ кон крајот на педесетите, оваа генерација трагично настрада во авионската несреќа во Минхен.

Потоа тука е познатата „класа 1992“ кога во првиот тим место добија Пол Сколс, Рајан Гигс, Дејвид Бекам, Ник Бат и браќата Гери и Фил Невил.

„Такво нешто е огромна работа, исклучително сум горд, бидејќи сметам дека секогаш е добро кога во тимот имате играч од клупската академија. Растев како навивач на Манчестер Јунајтед, го поминав младинскиот погон и секогаш кога ќе облечам црвениот дрес тоа за мене е нешто посебно и секогаш ќе давам се од себе“, изјави Лингард.

Натпреварот против Бенфика во рамките од Лигата на шампионите кој се игра во вторник ќе биде прилика за Јунајтед и на 3.883 натпревар во низа во својот состав да има барем еден фудбалер од својата академија.

За жал, со вакво нешто не може да се пофали ниту еден друг клуб во Европа, важноста на фудбалската академија на еден клуб полека почнува да исчезнува, токму поради тоа ова е нешто кое заслужува почит.