Ѕвездата на Тотенхем откри детали за најчудниот натпревар: Добивме ќотек, едвај излековме жива глава! (ВИДЕО)

Ни пренос, ни гледачи…Јужна Кореја не победи, но на крајот најважно што успеале безбедно да го напуштат Пјонгјанг.

Немаше слики, немаше гледачи…На двајца членови на делегацијата на Јужна Кореја им беше дозволено да твитуваат, но само за резултатот и измените.

На крајот дуелот на двете Кореи во Пјонгјанг заврши без голови, а како што откри напаѓачот на Тотенхем, Сон натпреварот не поминал без проблеми.

„Како беше? Добро е што извлековме жива глава и што никој не беше повреден. Никогаш не сум играл ваков натпревар, немаше жива душа, а летаа удари и навреди на сите страни“, изјави најпознатиот играч на Јужна Кореја.

Поделените земји се во техничка војна 70 години бидејќи мировен договор никогаш не беше потпишан. Последен пат играа во Пјонгајнг во 1990 година. Кога Северна Кореја беше домаќин во некои претходни натпревари играа во Кина.

„Не навредуваа и плукаа по нас. Добив и неколку удари во лицето, јасно е дека фудбалот не им беше во прв план. Имаше многу опасни стартови. Како војна, тие на тој начин го сфатија натпреварот“, откри Сон.

No fighting in front of the kids! Oh, but there are none here today.? Emotions run high at times as #DPRK meets #ROK in #FIFA game – but audience is sparse. pic.twitter.com/HKaoKH89sj

— Joachim Bergström (@jchmbrgstrm) October 15, 2019