Новак Ѓоковиќ ќе мора уште да почека на својата јубилејна 100. титула во кариерата. Во првото коло на турнирот во Доха изгуби од Матео Беретини (7:6, 6:2). Ова му беше првиот турнир уште од Австралија опен и мечот против Саша Зверев кој мораше да го предаде во полуфиналето поради повреда. Очигледно беше дека не е доволно подготвен за натпреварувањето во Катар.
Србинот призна и самиот дека не чувствувал болка и дека повредата не беше проблем, туку дека едноставно не тренирал доволно. Потоа доби прашање за 25. грен слем трофеј и кога би можел да го достигне.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
„Искрено, не знам. Најважно ми е да сум здрав, добро подготвен за турнирите. Тоа можеби не беше случај сега во Доха. Не чувствував болка, но имав недостаток на тренинг и сетови на тренинзи. Сезоната е долга, ќе видиме. Јубилеите се нешто што ме мотивира, кога ќе дојдат? Ќе видиме. Би сакал тоа да се случи оваа година”, изјави Ѓоковиќ за „Спорт клуб“.
Неговата желба е да освои трофеј на Ролан Гарос, Вимблдон или US опен, но е свесен дека Карлос Алкараз и Јаник Синер се најголеми фаворити на тие натпреварувања.
Учество во игри на среќа е дозволено за лица со 18+ години. Играј одговорно!