Ѓоковиќ после пласманот во полуфинале: Ова беше најдобриот меч годинава!

Српскиот тенисер Новак Ѓоковиќ се пласираше во полуфиналето на АТП турнирот во Токио откако го победи французинот Лука Пуј со 2:0 во сетови.

Денес тој беше голем фаворит против 24-от тенисер во светот и таа улога ја оправда на теренот без поголеми проблеми.

Ѓоковиќ првиот сет го доби со 6:1 откако направи два брејка, а во вториот сет му дозволи на противникот само два гема.

„Ова беше еден од најдобрите мечеви кои ги имам одиграно во оваа година. Сигурно најдобар во оваа седмица и дојде во вистинско време. Добро сервирав, имав доста удари, добро ритернирав, едноставно ја користев секоја шанса“, изјави Ѓоковиќ.