Шок на тренингот на Баерн: Ковач помислил дека ѕвездата на тимот добил срцев удар! (ФОТО)

На тренингот на Баерн Минхен утрово имало шокантен момент кога многумина помислиле дека ѕвездата на тимот добила срцев удар.

Станува збор за францускиот репрезентативец Корентин Толисо кој во еден момент легнал на подот и се фатил за срцето.

Толисо не бил добро неколку секунди, а тренерот Нико Ковач веднаш го прекинал тренингот и ги повикал докторите. До Французинот дошол докторот Питер Уеблекер кој го прегледал и заклучил дека за среќа не станува збор за нешто сериозно.

Реномираниот „Билд“ пренесува дека Толисо се чуствува добро и дека тоа било момент на непријатност кој траел неколку минути. Сепак поради претпазливост Толисо не го завршил тренингот.