„Шевролет“ ќе му помага на Јунајтед да го врати Роналдо?

Англиските медиуми објавија дека произведувачот на автомобили „Шевролет“ одлучил да го врати Кристиано Роналдо во Англија.

Манчестер Јунајтед долги години се мачи и засега изгледа дека во оваа конечно се на вистинскиот пат. Со доаѓањето на Бруно Фернандеш Јунајтед доби многу, а сега се шпекулира дека ќе направат обид да го вратат Роналдо.

„Шевролет“ го продолжи спонзорството со Јунајтед и сега има намера да вложи пари и да помогне на клубот да го врати португалскиот ас.

Во „Шевролет“ знаат дека Роналдо може да се исплати на разни начини, само неговото име е доволно да се зголеми продажбата на дресови, и акциите на клубот би скокнале веднаш. Таков беше случајот кога Роналдо од Реал премина во Јувентус.

Нешто што би можело да направи проблем е неговата плата. Прашање е дали Јунајтед ќе може да исплаќа 30 милиони евра по сезона колку што добива Јувентус, сепак не се исклучува можност и тука „Шевролет“ да помогне.

Chevrolet ‘ready to help finance' huge Cristiano Ronaldo transfer to Man Utdhttps://t.co/Y9wQu3MQuH pic.twitter.com/PmEffmvp25

— The Sun Football ⚽ (@TheSunFootball) December 7, 2020