Челси рутински против Кристал Палас

Фудбалерите на Челси вечерва со 2:1 го совладаа Кристал Палас во рамките на 30. коло од англиската Премиер лига.

Челси немаше поголеми проблеми во дуелот со екипата од опасната зона, а се беше решено во првата третина од натпреварот.

Прво бразилецот Вилиан во 25. минута постигна погодок за 1:0, па седум минути покасно Мартин Кели со автогол го постави конечниот резултат во првиот дел од 2:0.

Во продолжение од натпреварот Челси доминираше, но Сините беа свесни дека имаат добра предност и не се трудеа премногу да нападнат. Во завршницата на натпреварот примија погодок преку Ван Анхолт, кој на крајот се покажа само како утешен.

Челси сега има 56 бодови и е на два бода зад четвртопласираниот Тотенхем, но Спарси имаат и натпревар помалку.

Од друга страна, на Кристал Палас ова му е четврт пораз во низа и со 27 бода останува во опасната зона.