Челзи со него во тимот не прима голови, а сега заминува бесплатно

Статистиката во дресот на Челзи на дефанзивецот Андрес Кристенсен е импресивна и со него во одбраната „сините“ скоро и да не примаат голови.

Статистиката вели дека Челзи во последните 203 дена примил само 6 гола кога Кристенсен играл во одбраната. Меѓутоа, сега се запали алармот на „Стенфорд Бриџ“ бидејќи се стопирани преговорите за продолжување на соработката.

Данскиот стопер кој е дел од Челзи уште од 2013 година има договор до крајот на сезоната, а двете страни се далеку од продолжување на соработката.

Ситуацијата ја следат неколку европски гиганти, а Кристенсен може да си замине на крајот на сезоната како слободен агент.