Челзи и Арсенал го сакаат „новиот Ибра“

Новата шведска ѕвезда Александер Исак блеска во дресот на Реал Сосиедад и го привлече вниманието на многу европски гиганти.

Исак важи за еден од најголемите светски таленти и експертите му предвидуваат богата кариера.

Најсилен интерес за 22-годишниот голгетер покажуваат Арсенал и Челзи, кои ќе се борат за неговиот потпис на лето.

Арсенал е во потрага по голгетер по заминувањето на Обамејанг и прва трансфер цел на лето ќе биде токму Исак.

„Топџиите“ се спремни да понудат 40 милиони евра за неговиот потпис, но ќе треба да ја победа конкуренцијата бидејќи за Швеѓанецот интерес покажува и Челзи.

„Сините“ ќе се ослободат од Вернер, Лукаку не ги оправда очекувањата, па Тухел верува дека Исак ќе биде идеално решение за нападот.