Челзи го договори трансферот на Кунде

Челзи е исклучително активен на трансфер пазарот, особено кога се во прашање дефанзивците.

Откако „сините“ го договорија трансферот на Кулибали од Наполи за 40 милиони евра сега блиску до комплетирање на трансферот на уште еден врвен дефанзивец.

Станува збор за дефанзивецот на Севиља и француски репрезентативец, Жил Кунде, кој е најголема желба на Томас Тухел.

Челзи уште минатото лето го сакаше Кунде, но тогаш Севиља одби да го пушти, а сега самиот играч потврди дека е спремен да ја промени средината.

Интерес за дефанзивецот покажува и Барселона, но Челзи ја победи конкуренцијата и веќе постигна договор со Севиља.

Експертот за трансфери Ди Марцио потврди дека Севиља ја прифатила понудата од 50 милиони фунти плус бонуси и трансферот е пред реализација.

@ChelseaFC, closing the negotiation with @SevillaFC
for #Kounde 🔵 @DiMarzio https://t.co/QBFNSIy9zB

— Ibrαhim (@_Mo_Ibrahim) July 20, 2022