(ВИДЕО) Црвено-црните ги дели едно полувреме од ИСТОРИЈА, Барсегјан ја пропушти шансата на натпреварот!

Македонскиот шампион успеа да ги издржи првите 45 минути на пеколната атмосфера во Турција.

Момците на Чедомир Јаневски сосема добро се држат, Фенербахче е тимот кој ја има топката, но сепак Турците не успеваат лесно да стигнат до нашиот гол. Во главно се обидуваа со удари од далечина преку Мехмет Топал и Робин Ван Перси, нешто посериозни напади создаваа во финишот од полувремето но за наша среќа сето тоа остана само на обиди.

Иако Фенербахче беше тимот кој ја имаше играта, македонскиот шампион во финишот ја пропушти најдобрата шанса на натпреварот кога Барсегјан ја погоди стативата од голот на Камени.