Хаос во соблекувалната на ПСЖ пред мечот со Баерн

Атмосферата во Пари Сен-Жермен пред осминафиналната пресметка од Лигата на шампионите против Баерн Минхен не е на највисоко ниво.

Имено, после поразот од Монако, спортскиот директор Луис Кампос влегол во соблекувалната на парижаните и се скарал со Нејмар и Маркињос.

Во текот на мечот, Нејмар постојано се расправал со Витиња и Иго Етиките за нивните непрецизни додавања, а откако завршил мечот, тој и капитенот Маркињос влегле во конфликт со Кампос, кој сметал дека не покажале доволно посветеност на теренот, открива „Екип“.

„Кампос ги обвинил фудбалерите дека не играле машки и агресивно, а посебно ги посочил Маркињос и Нејмар, кои веднаш возвратиле. Овие сцени ги шокирале останатите во клубот“, пишува еминентниот весник.