Хамес Родригез побара трансфер – Јувентус го чека со раширени раце

Баерн Минхен пред две години го донесе Хамес Родригез на позајмица од Реал Мадрид и на крајот на сезоната има опција да го откупи неговиот договор за 40 милиони евра.

Баварците се уште имаат време да донесат конечна одлука, но Колумбиецот не е задоволен во Минхен и сака да ја промени средината.

Поради тоа „Билд“ пренесува дека неговите агенти веќе закажале состанок со раководството на Баерн за да слушнат какви планови има германскиот клуб, но и да им ја соопштат својата одлука.

Имено, Хамес не е задоволен во Минхен и сака да ја промени средината, а ситуацијата внимателно ја следи италијанскиот шампион Јувентус.

Наводно неговиот агент Жорге Мендеш веќе имал средба со „бјанконерите“ и постигнал начелен договор за трансфер следното лето.

За очекување е дека Баерн ќе го откупи неговиот договор од Реал за 40 милиони евра, а потоа за неговата слобода сигурно ќе бара околу 60 милиони евра.

#Juventus – Le ultimissime dalla Germania sul colpo #JamesRodriguez ??https://t.co/WDm3Tv0eMv

— calciomercato.it (@calciomercatoit) October 30, 2018