ФОТО: Баерн Минхен ја „окупира“ Алијанц Арена

Германскиот гигант Баерн Минхен планира да направи промени во дизајнот на стадионот „Алијанц Арена“, каде Баварците ги играат своите натпревари.

На лето се очекува стадионот да биде целосно во боите на клубот. Амблемот на клубот и дивизата „Mia san Mia“ (ние сме ние) ќе бидат напишани на трибините, соопштија од клубот.

Баерн до скоро го делеше стадионот со градскиот ривал Минхен 1860, но клубот испадна од Втората лига минатата сезона и во моментов се наоѓа во регионалната лига, па не го користи повеќе овој стадион.