Фламенго е во финалето, го чека Ливерпул за спектакл! (ВИДЕО)

Шампионот на Јужна Америка, Фламенго се пласираше во финалето на Светското клупско првенство во Доха.

Иако Ал-Хилал од Саудиска Арабија водеше 1:0 на полувремето во полуфиналето, Фламенго на крајот сепак ја оправда својата улога на фаворит и славеше со 3:1.

Саудијците поведоа преку Ал Давсари во 18.минута, а Фламенго изедначи на стартот од вториот дел. Во 78.минута Хенрике носи предност за Бразилците, а само четири минути подоцна Фламенго постигна и трет гол за крај на сите надежи на Ал Хилал.

Фламенго во финалето ќе игра против победникот од натпреварот помеѓу Ливерпул и Монтереј.