Фиорентина извиси, Хесе пред трансфер во Англија!

Иако долго време се најавуваше како ново засилување на екипата на Фиорентина, Хесе Родригез, кариерата ќе ја продолжи во Англија.

Италијанските медиуми пишуваат дека обидите на Фиорнтина да го доведе Хесе Родригрез завршиле без успех. „Виолетовите“ не беа во можност да ги превземат неговите високи примања, па планот им пропадна.

Весникот „Ла Национале“ во денешното издание пренесува еклузивна вест дека Шпанецот ја избрал Премиер лигата за нова дестинација, а негов нов клуб наводно ќе биде Стоук.

„Грнчарите“ наводно веќе постигнале договор со ПСЖ за позајмица со право на откуп. Хесе не се снајде на „Паркот на принцовите“, па вториот дел од сезоната го помина на позајмица во Лас Палмас.