„Фешта“ во Галатасарај: Заха пречекан како бог, Икарди останува

Раководството на турскиот шампион Галатасарај за неколку дена заврши одлична работа, што може да им ги замрси сметките на многумина во Европа оваа сезона.

Галатасарај следната сезона ќе ја има една од најсилните офанзивни линии, секако е најпотентната во Турција, а ќе се види дали е во конкуренција со најсилните во Европа.

Галатасарај во неделата го пречека најголемото засилување ова лето, Вилфрид Заха од Кристал Палас, на кого навивачите на овој турски клуб му приредија спектакуларен пречек.

По истекот на договорот со премиерлигашот, Заха имаше нов договор на маса од Палас, на четири години, но сепак реши да ја промени средината.

Во Галатасарај ќе го пречека Аргентинецот Мауро Икарди, кој се согласи да остане во клубот и по истекот на позајмицата од Пари Сен Жермен.

Францускиот шампион ќе добие 10 милиони евра за откуп на договорот на поранешниот напаѓач на Интер, а со Турците ќе потпише нов договор – до 2026 година.

Нов играч на тој клуб стана уште еден офанзивец, Седрик Бакамбу (32), чие доаѓање предизвика особен интерес во фудбалскиот свет.

Заедно со овие тројца играчи, Галатасарај, меѓу другото, ќе смета и на суперталентираниот Заниола, па јасно е колкава убиствена офанзива, барем на хартија, има турскиот шампион за следната натпреварувачка кампања.

Галатасарај на 25 јули ќе го одигра првиот натпревар од квалификациите за Лигата на шампионите против Жалгирис.

Wilfried Zaha ✖️ Galatasaray 🟡🔴🇹🇷 pic.twitter.com/6kcvx2ib9Z

— Fabrizio Romano (@FabrizioRomano) July 23, 2023