Фелипе Мело: Диего Лопез ми кажа да се видиме после натпреварот, го нокаутирав во тунелот

Бразилскиот фудбалер Фелипе Мело од пред неколку дена влезе во „војна“ со Џорџо Киелини кој во својата автобиографија го опиша како најлошиот од сите со кој играл.

Мело претходно на два пати јавно зборуваше на таа тема во јавноста, а сега откри ситуацијата која не беше поврзана со стоперот на „старата дама“.

„Се сеќавам на натпреварот против Каљари. Диего Лопез тогаш го удри Џилардињо во глава, а потоа ме навредуваше мене и ја спомна мојата ќерка која што само што се роди. Ми кажа: Се гледаме после натпреварот. Меѓутоа не знаеше што го чека“:

„Во тој натпревар победивме со гол во последна минута, а потоа во тунелот се сретнавме лице во лице. Не му дадов шанса нешто да каже, веднаш го нокаутирав“, раскажа Мело.