Англиската Премиерлига заедно со британските ТВ-мрежи се договорија, сепак, да нема фудбалски преноси на Бадник, односно на 24-ти декември.
Најавата беше дека мечот Арсенал-Ливерпул ќе биде преместен од 23 декември на 24 декември, на што луто реагираше тренерот на Ливерпул, Јирген Клоп, како и навивачите на двата клуба.
Како екраните влијаат на детскиот развој? Разговор со дефектолог
Наместо тоа, дуелот сега ќе се одигра на 22 декември, додека другите девет меча ќе се играат на 23 декември, почнувајќи од Евертон-Челзиво 13.30 часот и завршувајќи со Лестер-Манчестер јунајтед во 20.45 часот.
„Имаме натпревари за викендот, па потоа традиционално за Божиќ. Беше тешко да се направи распоредот“, изјави претседателот на Премиерлигата, Ричард Скадамор.
Премиерлигата е единствената од елитните европски лиги во кои има натпревари околу Божиќ, нешто што е вклопено во историјата на англискиот фудбал. До 1958 година сите натпревари се играа точно на Божиќ.
Учество во игри на среќа е дозволено за лица со 18+ години. Играј одговорно!