Уште едно заминување од Реал Мадрид

Еден од оние кои сигурно ќе го напуштат клубот е францускиот фудбалер Тео Ернандез кој немаше премногу шанса за игри минатата сезона.

Овој 20. годишен лев бек пристигна од градскиот ривал Атлетико како алтернатива за Марсело. Меѓутоа, во целата сезона настапи само 23 пати и таквата минутажа младиот Французин не го задоволува.

Одлучи да замине од Сантијаго Бернабеу. Раководството на тимот е спремно да го пушти, но со клазула во која ќе има право на откуп ако бидат задоволни од игрите во некој друг клуб.

Ваков систем на работа Реал практикува веќе неколку години и го искористија за враќање на Карвахал и Мората во клубот, а по истите стапки ќе тргне и Ернандез.

Сеуште не е познато каде Тео би можел да ја продолжи кариерата, но се поврзува со потенцијален трансфер во Премиер лигата или во некои помали шпански клубови.