Уште еден успех за Ендрик во Бразил: Реал го чека за големи дела во Европа

Суперталентираниот Бразилец Ендрик стана најскапиот малолетник во историјата на фудбалот кога Реал Мадрид го купи од Палмеирас за рекордни 60 милиони евра (35 фиксна оштета и и уште 25 како бонуси).

Сепак, бидејќи се уште не е полнолетен, 17-годишниот Ендрик чека на 21. јули да го прослави 18-от роденден и да добие дозвола да го облече белиот дрес на „кралскиот“ клуб. Во меѓувреме реди успеси во Бразил.

Ендрик со Палмеирас ја освои шампионската титула во Паулиста. Неговиот тим во реваншот од финалето го победи Сантос со 2:0 и го надополни негативата од 1:0 од првиот натпревар. Младиот фудбалер не постигна гол ниту запиша асистенција, но сепак беше прогласен за играч на натпреварот.

Така Бразилецот го освои петтиот трофеј со Палмерирас. Сега е време Европа подобро да го запознае, а ќе видиме дали ќе ги исполни очекувањата кои се големи.

⚪️🇧🇷 Endrick has won 5th career trophy with Palmeiras at 17 years old!

🏆 Brasileiro Série A (2022)
🏆 Brasileiro Série A (2023)
🏆 Supercopa do Brasil (2023)
🏆 Campeonato Paulista (2023)
🏆 Campeonato Paulista (2024)

He’s also been named as Man of the Match. ✨ pic.twitter.com/JT1sfPyev4

— Fabrizio Romano (@FabrizioRomano) April 8, 2024