Уште еден брутален трипл-дабл на Јокиќ!

Шампионот во НБА лигата Денвер Нагетс го претрпе и третиот пораз во сезоната откако загуби на гостувањето кај Њу Орлеанс со 110:115.

Ниту маестралниот настап на Никола Јокиќ не беше доволен Денвер да го избегне поразот. Српскиот кошаркар го заврши натпреварот со 26 поени, 16 скока и 18 асистенции. Денвер ниту еднаш не водеше во натпреварот само на почетокот имаше 2:2, а во последната четвртина дојде до 102:103.

Јокиќ од друга страна од 1990 година наваму е играчот со најмногу натпревари со 21/15/15 во трите најважни статистички категории. Ако се смета целата историја на НБА подобар од него е само Вилт Чембрлен.

Најефикасен кај Њу Орлеанс беше Зајон Вилијамсон со 26 поени, Валанчиунас постигна 22, а Инграм 21. Без Мареј, младиот Браун дојде најблиску до Јокиќ со 25 поени.

НБА РЕЗУЛТАТИ:

Шарлот – Милвоки 99-130

Вашингтон – Њујорк 99-120

Атланта – Филаделфија 116-126

Кливленд – Детроит 108-100

Сан Антонио – Сакраменто 120-129

Торонто – Бостон 105-108

Чикаго – Орландо 97-103

Њу Орлеанс – Денвер 115-110

Портланд – ЛА Лејкерс 95-107

Јута – Феникс 128-131

ЛА Клиперс – Хјустон 106-100