Украинецот од Реал Мадрид не бил во составот против Рајо за да помага на својот народ

Украинскиот голман Андриј Лунин не беше во составот на Реал Мадрид за вчерашниот натпревар против Рајо Ваљекано.

Реал Мадрид гостуваше кај градскиот ривал, а беше чудно што на списокот фудбалери за овој голман го нема украинскиот голман.

Набрзо стигна и објаснувањето, Лунин побарал од клубот да не биде во конкуренција за натпреварот затоа што е ангажиран да испрати хуманитарна помош на својот народ во Украина, кој веќе неколку дена војува со Русија.

Украинецот ги замолил Шпанците да донираат храна или пари за да може да бидат испратени на жителите во неговата татковина.