Тухел: Конте е одличен стратег, но не му верувам

Во недела се игра првото дерби во Премиер лигата, Челзи ќе го пречека Тотенхем.

Ривалите од Лондон во минатата сезона се сретнаа четири пати и на сите четири натпревари победија „сините“.

На денешната прес-конференција Томас Тухел ја загреа атмосферата пред ова дерби.

„Му се восхитувам на Конте, но не му верувам во тоа што го зборува пред и по натпреварите. Никогаш не сум почувствувал дека има голема разлика меѓу двата клуба. Натпреварите ни беа изедначени, знам колку труд вложивме за да ги победиме во тие четири средби“.

„Станува збор за талентиран и конкуретен состав, Конте каде и да работи неговиот тим се бори за трофеи“, изјави Тухел.