Суперкомпјутер пресмета кој е подобар играч – Роналдо или Меси?

Една од најголемите дебати во последните години во фудбалот се води околу прашањето кој е подобар – Роналдо или Меси. Сега добивме пресметка и од суперкомпјутер.

Професори на универзитетот КУ Левене и аналитичари на фирмата „СциСпорт“ смислија формула која дава некаков одговор.

„Вредноста на фудбалерите често се темели на голови и асистенции. Се проценува дека на секој натпревар во просек има околу 1600 акции. Нашиот модел зима во предвид се од тие акции – шутеви, додавања, дриблинзи, дуели…И ја пресметува нивната вредност“, објасни професорот Џеси Дејвис.

Во анализата тие користеа податоци од сезоната 2013/2014 до крајот на сезоната 2017/2018 кога Роналдо премина од Реал Мадрид во Јувентус. Суперкомпјутерот дојде до заклучок дека ѕвездата на Барселона е подобар играч.

Коефициентот на Меси во вреднување по акција е 1.21 по натпревар, додека Роналдо бил на 0.61.

„Во првите две сезони беа еднави, но Меси од 2015/2016 направи разлика“, објасни Том Декрос, студен кој учествувал во истражувањето.

„Имаме играчи кои учествуваат во многу акции, но немаат висока вредност, таков е Пол Погба, а имаме играчи кои помалку учествуваат во играта, меѓутоа нивниот учинок и влијание се поголеми. Тоа е типично за Кејн, Салах или Роналдо. Меси во тој сегмент е неверојатен и има многу голем број на акции кои имаат голема вредност“.