Суперкласико: Славјето пред солзите на вечниот ривал е поважно од секој трофеј!

Вниманието на фудбалскиот свет денес ќе биде насочено кон анологиската битка во Копа Либертадорес помеѓу аргентинските гигант Ривер Плата и Бока Јуниорс.

Мечот, кој дватапи беше одложуван поради немири на улиците во Буенос Аирес и напад на автобусот на Бока, конечно се очекува да го доживее својот крај и тоа на неутрален терен на „Сантиаго Бернабеу“.

Сето ова што му претходеше на овој меч е доказ дека овој дуел е повеќе од фудбал и дека неговиот исход вечно ќе биде врежан во историјата на двата клуба. Сепак, после многу перипетија конечно ќе се реши новиот шампион на Јужна Америка и тоа во Мадрид.

Победникот на финалето ќе ја наполни својата каса со 5,2 милиони евра, но тоа е секако секундарно во однос на трофејот и славјето пред солзите на вечниот ривал.

Головите на Ривер немаат никакво значење

Трикратниот освојувач на Копа Либертадорес, екипата на Ривер, беше во одлична позиција по четврти пат во историјата да го подигне овој пехар бидејќи во првиот меч на „Бомбониера“ успеаа да избегнат пораз и одиграа 2:2. Меѓутоа, сега практично се ќе започне од нула, бидејќи не важи правилото гол во гости, а Ривер ќе ја нема предноста на домашен терен.

За овој меч тренерот Гаљардо нема да може да смета на напаѓачот Рафаел Борео кој е суспендиран, додека лекарите даваат се од себе да го рехабилитираат Квинтеро да биде спремен за овој историски меч. Сепак, хендикеп ќе биде што тренерот нема да го води тимот од клупата и на овој меч, поради суспензија.

Бока долго време не знае за победа над вечниот ривал

Доколку Бока Јуниорс не дојде до трофејот тоа ќе биде најмногу поради првиот диел каде два пати му дозволуваа на противникот да се врати и на крајот пропуштија голема шанса за победа. Одличниот играч за врска Павон не го доигра првиот меч поради повреда, но според најавите би требало да биде спремен за вечерашниот меч.

Иако Бока негодуваше што мечот ќе се игра во Мадрид, сепак тоа е нивна предност, бидејќи на „Монументал“ тешко дека ќе стигнеа до победа, а на „Сантиаго Бедрнабеу“ ќе имаат и поддршка од свои фанови. Бока веќе четири меча не знае за победа над Ривер каде запиша три порази и едно реми, па ова е шанса на „неутрален“ терен да дојде до победа која ќе биде историска.

Веројатни состави:

Ривер Плата: Армани, Мартинез, Пинола, Монтиел, Паласиос, Перез, Каско, Квинтеро, Скоко, Прато.

Бока Јуниорс: Андрада, Јара, Изкуердоз, Магалан, Олаза, Нандез, Бариос, Перез, Вила, Тевез, Павон.