Стоилов низ шега го најави спектаклот: Само да не се повреди…

Македонската ракометна федерација денес на прес-конференција го најави ракометниот спектакл на 3-ти јануари.

Натпреварот на 3-јануари ќе биде испраќање на големите ракометни имиња, на денешната прес-конференција зборуваше и Стојанче Стоилов кој низ шега порача само да не се повреди некој.

„Сакам да дадам поддршка на овој настан, мислам дека е нешто одлично за да се оддаде почит на една генерација што твореше на терените со години, воедно и да се даде почит на оваа нова генерација која сега тргнува со свој нов почеток.

Ова ќе биде склоп на забава, хуманост и спорт, само се надевам дека ќе нема повреди, не кај актуелните, туку кај тие што не мрднале со години“

Влезниците се веќе пуштени во продажба по цена од 250 и 300 денари.