„Стариот лисец“ повеќе нема да биде најплатен селектор – во јануари ја напушта Кина

Италијанскиот тренер, Марчело Липи од јануари повеќе нема да биде селектор на кинеската репрезентација

Липи во Кина добива 23 милиони евра годишно и тоа го прави најплатениот селектор во светот, но изгледа дојде време кога стратегот кој има веќе 70 години сака повеќе време да посвети на семејството.

Човекот кој во 2006 година ја освои светската титула со Италија не успеа Кина да ја одведе на едно Светско првенство, но од кога е тој селектор селекцијата напредуваше од 84-тата на 75-тото место на ФИФА ранг листата.

Липи освен светската титула, со Јувентус во 1996 година освои европска круна, додека во Кина освои три титули во превенството со Гвангажу Евергранде.