Со една победа во 4 месеци беше очекувано: ВБА го отпушти Пердју!

Алан Пердју повеќе не е тренер на Вест Бромвич Албиот, соопшти денес клубот од Премиер лигата.

Според официјалното соопштение од клубот страни се разделиле со взаемна согласност, а причина се лошите резултати на тимот кој ги загуби последните 8 меча во Премиер лигата.

Тимот привремено ќе го предводи Дарен Мур, додека раководството не го избере новиот менаџер.

56-годишниот Пердју беше назначен за тренер на ВБА на 29-ти ноември на местото на Тони Пјулис, но под негово раководство тимот победи само на еден натпревар и освои вкупно 8 бода во 18 натпревари.

West Bromwich Albion and Alan Pardew have agreed to mutually part company following discussions between both parties.#WBAhttps://t.co/5nB4TJWdes

— West Bromwich Albion (@WBA) April 2, 2018