Солскјер најави нови трансфери

Менаџерот на Манчестер Јунајтед, Оле Гунар Солсјкер се надева дека тимот ќе може да се засили до крајот на преодниот рок, кој се затвора на 5 октомври.

Досега клубот од „Олд Трафорд“ успеа да го привлече само Дони ван де Бек, но не успеа да ја реализира најголемата трансфер цел, Џејдон Санчо.

„Мислам дека можеме да влеземе во новата сезона со самодоверба поради начинот на кој ја завршивме претходната. Покажавме за што сме способни и успеавме да напредуваме во текот на сезоната. Треба да продолжиме во оваа насока и да го покажеме нашиот потенцијал. Потребна ни е поголема упорност. Но, сега имаме уште една година искуство и тоа треба да ни ја донесе таа истрајност“, изјави Солксјер.

Запрашан за можни нови трансфери, а особено за Џејден Санчо, Солскјер изјави:

„Секако, успеавме да завршиме добра работа со привлекување на Дони. Многу сме среќни што го доведовме. Тој е исклучително момче кое ќе ни помогне и ќе донесе нешто ново. Не можам да кажам ништо за играчи на други клубови. Не можам да шпекулирам. Се разбир дека треба да го развиваме она што го имаме и да го засилиме тимот, но да почекаме и да видиме дали можеме да привлечеме некој нов фудбалер“.