Соиграчите одлучија да му доделат медал, но Калиниќ – го одби!

Никола Калиниќ одлучи да одбие послушност на селекторот Златко Далиќ на СП и веројатно за таквата негова одлука ќе жали целиот свој живот.

Неговите соиграчи беа вистински хит на Мундијалот, се бореа за златото, херојски ги пречекаа, ѕвезди се каде и да се појават, а ти – играш билјард…

Хрватска го освои среброто на Мундијалот, а неговите соиграчи заедно со сојузот одлучија Калиниќ кој беше во официјалниот состав на репрезентацијата, сепак да добие медал.

Но, според хрватските медиуми напаѓачот им се заблагодарил со пораката: „Ви благодарам, но јас не играв во Русија“.

Селекторот Златко Далиќ неодамна повторно ја објасни ситуацијата со напаѓачот.

„Не сум ниту среќен, ниту горд поради тоа, но направив се што е во моја моќ за да не дојде до тоа. Три пати му давав шанса да се врати, а последниот пат го чекав цел ден. Жал ми е што така испадна, но не сакам сега да се враќам на таа тема“.