Сити може да си ги дозволи Меси и Роналдо

Бразислкиот репрезентативец Фернандињо е убеден дека Манчестер Сити има доволно пари за да ги доведе Лионел Меси и Кристиано Роналдо, но дека не се вклопуваат во клупската филозофија.

Манчестер Сити потроши повеќе од 200 милиони фунти ова лето на Кајл Вокер, Бернардо Силва, Менџамин Менди и Едерсон.

„Дали можеме да ги доведеме Меси и Роналдо? Веројатно да, но мора да размислувате за приоритетите. Имаме финансиска моќ, сите го знаат тоа, но постојат приоритети. Клубот одлучува дали е подобро да се донесе еден играч или да се направи силен тим“, изјави Фернандињо.

„Некои луѓе мислат дека еден играч го прави целиот тим, но не е така. Сити имаше големи инвестиции, но проектот се базира на силен тим, на развивање на академијата“, додаде Бразилецот.

Една од таквите инвестиции е и Габриел Жесус кој одлучно се вклопи меѓу „граѓаните“.

„Кога ќе го погледнете денешниот пазар, не само Нејмар, туку и останатите фудбалери кои пристигнаа во Англија. Кога ќе видите колку пари се потрошени за нив, тогаш Габриел е навистина платен ефтино со оглед на неговиот квалитет“, заклучи Фернандињо.