Тренерот на Атлетико Мадрид и поранешен аргентински репрезентативец, Диего Симеоне упати тешки критики кон сите одговорни за разочарувачките резултати на Аргентина на Мундијалот.
Синоќа после поразот од Хрватска, во јавноста се појави аудио снимка од негов разговор со помошникот Герман Бургос, во кој Симеоне жестоко ги критикува фудбалерите и селекторот.
Исхрана, повреди и тренинг – совети од доктор по спортска медицина | Уште еден поткаст
„Тоа што се случува сега во Аргентина е резултат на ситуацијата во аргентинскиот фудбал во последните ужасни четири години: анархија, недостаток на лидери и кај играчите, тренерите и директорите. Тимот е целосно изгубен, а селекторот цело време експериментира. Некој треба да се бори за овој тим“, вели Симеоне.
Симеоне потоа ги стави под знак прашалник лидерските способности на Лео Меси и даде до знаење дека го претпочита Кристиано Роналдо.
„Меси е многу добар, но тоа е така бидејќи е опкружен со исклучителни фудбалери. Ако треба да бираш меѓу Меси и Роналдо во нормален меч кој ќе го избереш?, се запраша Симеоне.
Учество во игри на среќа е дозволено за лица со 18+ години. Играј одговорно!