Симеоне кон Барса: Јас сум тренер, а НЕ градинар!

Aтлетико Мадрид и Барселона го играат дербито на Шпанија и за овој натпревар на големо се пишува веќе неколку дена.

Во Шпанија сеуште е актуелна темата за референдумот во Каталонија, а и онака „жешката“ атмосфера дополнително ја запали тренерот на „јорганџиите“, Диего Симеоне.

Барселона пронајде начин да го „боцне“ клубот од Мадрид, па ги обвини дека на „Ванда Метрополитано“ тревата е превисока, како и дека тоа го прават за намерно да ја успорат играта на Барса.

„Слушајте, јас сум тренер, а не градинар. Го припремам тимот за натпреварот, а не косам трева. Кога ќе повикате некого во својот дом, тогаш тој јаде со вашиот прибор. Кога јас дојдов кај вас не бирав ништо, туку го добив она што ми го понудивте“, изјави Симеоне.

Атлетико и Барселона дербито на осмото коло во Ла Лига го играат утре во 20:45 минути.