Се зголемува бројот: Осми Италијанец позитивен на коронавирус

Фудбалерот на Аталанта Матео Песина е заразен со коронавирус, соопшти денес неговиот клуб.

Играчот за врска добил позитивен тест на коронавирус, засега без симптоми и се наоѓа во изолација, пренесуваат италијанските медиуми. Песина така е осмиот играч кој е заразен после враќањето од натпреварот со репрезентацијата на Италија.

Пред него позитивни се вратија Леонардо Бонучи и Федерико Бернардески од Јувентус, Марко Верати и Алесандро Флоренци од ПСЖ, Виченцо Грифо од Фрајбург, Алесио Крањ од Каљари и голманот на Торино Салваторе Сиригу.