Сетиен: Тешко е да се работи со Меси!

Кике Сетиен за прв пат даде интервју за шпанските медиуми откако доби отказ на клупата на Барселона.

Искусниот стратег открива дека е тешко да се работи со Лео Меси и тврди дека неговиот отказ бил спремен пред дебаклот од Баерн во Лигата на шампиони.

„Тоа е нешто што ќе ви го уништи тимот, со поразот влегувате во историјата на Барселона. Преземам само дел од вината. Еден ден можам да пишувам за тоа, потврдив дека одлуката за моја смена е донесена пред тие 2-8“, вели Сетиен.

Сетиен, исто така, порача дека не е лесно да се работи со ѕвезди како што е Лионел Меси.

„Постојат фудбалери со кои не е лесно да се управува. Меѓу нив е Меси. Мора да имате на ум дека е најдобар во историјата и кој сум јас да го сменам?“, истакна Сетиен.