Актуелниот шкотски шампион Селтик им забрани на сопствениците на сезонски билети, кои се членови на ултрас групата Зелена бригада, да присуствуваат на понатамошните домашни натпревари на клубот оваа сезона поради нивното инсистирање да покажат поддршка за Палестина и Палестинците.
Клубот ги суспендираше нивните сезонски билети откако приредија кореографија во боите на палестинското знаме во последното коло од групната фаза на Лигата на шампионите против Атлетико Мадрид и покрај јасните предупредувања од клубот дека тоа ќе резултира со парични казни од УЕФА.
До кога ќе дишеме отровен воздух!? | Уште еден поткаст
Селтик веќе двапати оваа сезона е казнет поради активностите на групата Зелена бригада на натпреварите од Лигата на шампионите.
Првиот пат поради пиротехниката против Феенорд, а вториот поради антифашистичката кореографија упатена до навивачите на Лацио.
Зелената бригада постојано ја изразуваше својата поддршка за Палестинците пред ескалацијата на овогодинешниот конфликт со Израел на почетокот на октомври.
Тие ја интензивираа својата поддршка во изминатите неколку недели откако неколку илјади цивили загинаа во Појасот Газа како резултат на израелските бомбардирања.
Учество во игри на среќа е дозволено за лица со 18+ години. Играј одговорно!