Само детали го делат Погба од Јувентус

Како што пренесуваат најпознатите италијански медиуми, трансферот на Пол Погба во Јувентус е завршена работа.

Преговорите со агентката на играчот Рафаелa Пимента се во завршна фаза и останува да се разјаснат само последните детали за да се комплетира трансферот.

Иако вчера се појавија информации дека ПСЖ може во последен момент да го „украде“ Французинот, сепак трансферот е договорен и е само прашање на време.

Погба ќе потпише 4-годишен договор со „старата дама“ и годишна ќе заработува 8 милиони евра плус 2 милиони како бонуси.

Како што е познато, тој играше во торинскиот гигант во периодот од 2012 до 2016 година, каде и ја доживеа својата фудбалска афирмација.