Салах: Чест е што клуб како Барселона се интересира за мене

Ѕвездата на Ливерпул, Мохамед Салах се уште не може да постигне договор со својот клуб за продолжување на соработката.

Египќанецот има големи претензии и сака да биде најплатен фудбалер во Премиер лигата, па не може да се договори со Ливерпул.

Салах на лето влегува во последната година од договорот и веќе почнаа да се појавуваат шпекулации. Тој самиот призна дека се радува на интересот од страна на Барселона.

„Слушнав дека Чави сака да  ме донесе во Барселона. Тоа што таков клуб се интересира за мене ме радува. Меѓутоа, јас сум среќен во Ливерпул. Ќе видиме што ќе се случи во иднина. Во моментов преферирам да останам во Премиер лигата, бидејќи е најдобро првенство во светот“, изјави Салах.