Рој Хоџсон испиша историја: 500 натпревари во Англија

Легендарниот Рој Хоџсон и на 76 години го преводи Кристал Палас во Премиер лигата, а вчерашниот натпревар против Тотенхем за него беше голем јубилеј.

Имено, за Хоџсон тоа беше 500-ти натпревар во кариерата во Англија. Покрај Кристал Палас тој ги водеше уште Блекбурн, Фулам, Ливерпул и Вотфорд. Но најмногу натпревари (184) помина на клупата на Палас.

Вчерашниот натпревар за Хоџсон заврши со пораз, така било и на неговите 100-ти и 200-ти натпревари, победил на 300-тиот и 400-тиот.