Роналдо претпазлив пред Македонија: Мораме да ја почитуваме!

Македонската фудбалска репрезентација ќе се соочи со Португалија во финалниот бараж за Светското првенство.

Натпреварот против Португалија ќе го играме во вторник во Порто. По вчерашниот натпревар против Турција, првата ѕвезда на Португалија, Кристиано Роналдо истакна дека мораат да ја почитуваат Македонија.

„Го направивме првиот чекор кон нашата голема цел, пласман на Светското првенство 2022. Не сме направиле уште ништо. Мораме да продолжиме да работиме напорно и да останеме фокусирани, да го почитуваме ривалот, но секогаш да веруваме во нашите квалитети. Ајде Португалија! Одиме кон Катар!“, гласи пораката на Роналдо.

Натпревартот помеѓу Португалија и Македонија се игра во вторник од 20:45 часот.