Роналдо во незгодна ситуација, му откажа уште еден европски гигант

Реал Мадрид е последниот клуб од Европа кој ја одбил можноста да го доведе Кристиано Роналдо ова лето, пренесува „Марка“.

Португалецот беше дел од „кралскиот“ клуб цели девет години и стекна легендарен статус со уникатна статистика од 450 гола на 438 натпревари, а освои и 4 титули во Лигата на шампиони.

Роналдо моментално сака да го напушти Манчестер Јунајтед, па неговиот менаџер Жорге Мендеш го предложи на неколку европски гиганти, кои настапуваат во Лигата на шампиони.

Меѓутоа, проблем за Роналдо е што секаде наидува на затворена врата. Баерн Минхен, Челзи, Атлетико Мадрид, а сега и Реал Мадрид го одбија Португалецот.

Роналдо сега е во тешка ситуација бидејќи не сака да остане на „Олд Трафорд“, но не може да најде нов клуб кој ќе му понуди договор.