Рома ја одреди цената за Ундер, на потег е Манчестер Јунајтед

Крилото на Рома и турски репрезентативец Џенгиз Ундер предизвикува голем инетерс кај клубовите од Премиер лигата и во јануари би можел да се пресели на Островот.

22-годишниот Ундер покажа голем потенцијал, но за време на оваа сезона тој беше измачуван од повреди и тоа го спречи да се избори за стартно место во тимот на Пауло Фонсека.

Поради тоа Рома е спремна да го продаде турскиот репрезентативец доколку пристигне понуда помеѓу 30 и 40 милиони евра, а најсилен интерес за Ундер покажува Манчестер Јунајтед.

Ундер пристигна во Рома од Истанбул Башакшехир во 2017 година за сума од 14 милиони евра. Досега има 73 натпревари, 15 голови и 11 асистенции за „волчицата“.