Рома го „украде“ Кумбула пред носот на Интер

Италијанските медиуми пренесуваат дека Рома е на чекор од комплетирање на трансферот на Мараш Кумбула од Верона.

Кумбула го привлече вниманието на многу клубови од цела Европа, но медиумите во Италија тврдат дека е позната неговата следна дестинација.

Интер и Лацио веќе подолго време водеа преговори со неговиот агент, но во моментов најблиску до неговиот потпис е Рома.

„Волчицата“ постигна комплетен договор со Верона за трансфер вреден 30 милиони евра и сега ги договара последните детали со агентот на албанскиот репрезентативец.

Кумбула се промовираше во еден од најперспективните дефанзивци во Серија А, па сигурно ќе биде големо засилување за Рома.